Night Owl: A Nationbuilder’s Manual (Bicolano)

An libro na Night Owl nagtatao nin komprehensibo na paghiling sa programa na Build Build Build ini an paagi kan administrasyon ni dating Presidente Rodrigo Duterte para mas maray asin epektibong stratehia na maitulod an 'Golden Age of Infrastructure' sa Pilipinas. Ini nagtatao asin nagsusunod sa mag naratibo kan makatakot na mga gibo, pagbabago asin proyekto na naipundar kan sekretario na si Mark Villar kan Department of Public Works and Highways. An Night Owl
nagtao nin liwanag sa kadipisilan, mga kritiko asin mga dipisil na desisyon na hinampang kan grupo kan Build Build Build asin hinampang an mga resulta kaini.

Saksihan an mga magagayon na istorya kan mga Pilipino na naging maray an buhay nin huli sa mga natapos na mga dalan, tulay, riles, flood control projects, palupadan, pantalan asin mga classroom. Sarong magayon asin pano nin kaaraman an libro na Night Owl huli sa pagsanaysay kaini sa agi-agi kan Pilipinas paduman sa pagbabago asin paguswag kan nacion hale sa sadit na ekonomiya pasiring sa pagigin saro sa mga mauswag na nacion sa kinaban.

Si Anna Mae Yu Lamentillo presenteng nagseserbi bilang Undersecretary kan Public Affairs Relations sa Department of Information and Communications Technology (DICT). Siya naman an
tagapagtaram o spokesperson kan nasabing Departamento asin focal person para sa president asin kan mga direktiba kan gabinete. Bago kaini, siya nagin Assistant Secretary kan Departamento sa irarom kan administrasyon ni Presidente Ferdinan Marcos Jr.

Bilang Undersecretary, siya an nagakapot kan strategic communications asin media, international relations asin legislative affairs kan departamento. Siya an nagsusuperbisa kan Information and
Strategic Communications Division (ISCD), International Cooperation Division (ICD), Legislative Liaison Division (LLD), Unified Project Management Office (UPMO), and the Public-Private Partnership (PPP) unit kan Departamento.

Siya man an namamayo kan Build Better More kan DICT, sa pakikipagtabangan sa iba-ibang ahensya de gobyerno, para suportaran an pangiturogan kan Presidente para sa digital na Pilipinas. Siring man, siya an nagaaktong data privacy officer kan DICT, nag-aasikaso kan mga rekwest manungod sa Freedom of Information, asin nagmamanehar kan Consumer Complaint Center kan ahensya.

Kan administrasyon kan kaitó na presidente si Rodrigo R. Duterte, si Lamentillo an namayo kan komite kan Build, Build, Build kan Department of Public Works and Highways (DPWH) asin man sabay na nagin chairperson kan Infrastructure Cluster Communications Committee. Nanerbihan man siya United Nations Development Program asin sa Food and Agriculture Organization of the United Nations (FAO) kan kasagsagan kan Haiyan Emergency Response and Rehabilitation Program.

Nagtapos siyang cum laude sa University of the Philippines Los Banos kan 2012 sa kurso na Development Communications kun sain naresibe niya an Faculty Medal for Academic Excellence kan makua niya an pinakahalangkaw na General Weighted Average sa saiyang grupo. Natapos niya an saiyang Executive Education in Economic Development sa Harvard Kennedy School kan 2018 asin naresibe an niya an saiyang Juris Doctor degree hale sa UP Diliman College of Law kan taon na 2020. Sa presente, nagkukua siya nin Executive MsC in Cities program sa London School of Economics.

Kan 2023, nagin siyang opisial kan Philippine Coast Guard Auxiliary (PCGA) na may rango na Auxiliary Commodore (one-star general).

Pigmidbid siya bilang Natatanging Iskolar Para sa Bayan asin Oblation Statute for the Virtues of Industry and Magnanimity. Kan 2019, tigtao saiya kan Harvard Kennedy School Alumni Association an Veritas Medal. Tigpangaranan man siya kan BluPrint bilang saro sa 50 ASEAN movers and shakers, saro man siya sa 18 Game Changers kan Lifestyle Asia, asin man saro sa 2019 Women of Style and Substance kan People Asia. Padagos na nag susurat nin duwang beses kada semana na artikulo sa porsion kan Op-Ed kan Manila Bulletin asin Esquire
Magazine.

Tigsurat niya an librong pinamagatang "Night Owl: A Nationbuilder's Manual" na tigpaluwas kan Manila Bulletin. An libro na ini naisurat na sa Tagalog, Bisaya, Ilokano asin Hiligaynon.