Night Owl: A Nationbuilder’s Manual (Hiligaynon)

Ang Night Owl nagahatag sang komprehensibo nga panan-awan natuhoy sa programa nga “Build Build Build”– termino nga tawag ni anay Presidente Rodrigo Duterte nga magadul-ong sang Pilipinas sa iya "Golden Age of Infrastructure". Nagahatag ini sang isa ka personal nga sugilanon kag perspektibo sang mga detalyado nga mga hilikuton, mga reporma, kag mga proyekto nga gindumalahan ni anay Secretary Mark Villar sang Department of Public Works and Highways. Gina-athag sang Night Owl ang mga palamangkutanon sang mga kritiko, mga pagpanghangkat, kritisismo, kag tuman ka budlay nga mga desisyon nga gin-atubang sang Build Build Build team. 

Mabasa diri ang mga makatalandog-balatyagon nga mga sugilanon sang mga Pilipino nga nabag-o ang kabuhi tungod sa pagkay-o kag tuman sang mga dalan, tulay, riles, proyekto sa pagkontrol sang baha, hulugpaan, pantalan, kag mga klasrum. Ang Night Owl isa ka biswal kag impormatibo nga pagsaysay sang pagbag-o kag transpormasyon nga nagpatigayon sang Pililipinas gikan sa pagka-tiger cub nga ekonomiya pakadto sa pagka-first world nga pungsod. 

Si Anna Mae Yu Lamentillo karon nagaserbi bilang Undersecretary para sa Public Affairs kag Foreign Relations sa Department of Information and Communications Technology (DICT). Siya ang tagapamulong kag sentro sang departamento para sa presidential kag gabinete nga direktiba. Antes sini, siya man ang Assistant Secretary sang departamento sa idalom sang administrasyon ni President Ferdinand R. Marcos Jr.

Bilang isa ka Undersecretary, siya ang tagdumala sang estratehiko nga komunikasyon kag midya sang DICT, internasyonal nga relasyon, kag mga lehislatibo nga mga transaksyon. Si Lamentillo man ang tagdumala sang Information and Strategic Communications Division (ISCD), International Cooperation Division (ICD), Legislative Liaison Division (LLD), Unified Project Management Office (UPMO), kag ang Public-Private Partnership (PPP) unit.

Siya man ang puno sang mga pagsulundan sang departamento tuhoy sa Build Better More, nga nagapakig-angot sa iban nga ahensya sang gobyerno, sa pagsuporta sa panan-awan sang Presidente nga himuon ang Pilipinas nga isa ka tinuod nga digital nga pungsod. Kaangot sini, siya man ang data privacy officer sang DICT, nagahikot sang resolusyon sa mga pangabay sa Freedom of Information, kag nagabantay sa Consumer Complaint Center.

Si Lamentillo ang nangin Tagdumala sang Build, Build, Build Committee sang Department of Public Works and Highways (DPWH) kag concurrent chairperson sang Infrastructure Cluster Communications Committee sa administrasyon ni anay Presidente Rodrigo R. Duterte. Nagtrabaho man siya bilang isa ka konsultante sa komunikasyon sang United Nations Development Programme (UNDP) kag ang Food and Agriculture Organization sang United Nations (FAO) para sa Haiyan Emergency Response and Rehabilitation Program. 

Nagradwar siya bilang cum laude sa University of the Philippines Los Baños sang tuig 2012 sa degree nga Development Communications, kon diin siya ang nakakuha sang pinakamataas nga General Weighted Average sa Development Journalism Majors kag nagbaton sang Faculty Medal for Academic Excellence. Nagtapos man siya sang Executive Education sa Economic Development sa Harvard Kennedy School sang 2018 kag sang Juris Doctor program sa UP College of Law sang 2020. Sa karon, padayon niya nga ginakuha ang Executive MsC in Cities Program sa London School of Economics.

Sang tuig 2023, nangin opisyal siya sang Philippine Coast Guard Auxiliary (PCGA) nga may isa ka bituon ranggo nga Auxiliary Commodore. 

Ginkilala siya bilang Natatanging Iskolar Para sa Bayan kag Oblation Statute for the Virtues of Industry and Magnanimity. Sang 2019, ginpasidunggan siya sang Harvard Kennedy School Alumni Association sang Veritas Medal. Isa siya sa 50 ASEAN movers and shakers sang BluPrint, isa sa 18 Game Changers sang Lifestyle Asia, kag  isa sa mga Women of Style and Substance sang People Asia. Nagapadayon siya sa pagsulat sang iya kolum sa Op-Ed section sang Manila Bulletin kag Esquire Magazine.

She authored a book titled "Night Owl: A Nationbuilder's Manual," which was published by Manila Bulletin. This book has been translated into four languages, namely Tagalog, Bisaya, Hiligaynon, and Ilokano.

Siya ang nagsulat sang libro nga "Night Owl: A Nationbuilder's Manual," nga ginpabalhag sang Manila Bulletin. Ang ini nga libro ginlubad sa apat ka mga lengguwahe: Tagalog, Bisaya, Hiligaynon, kag Ilokano.