Night Owl: A Nationbuilder’s Manual (Ilokano)

Idiaya ti Night Owl ti maysa a komprehensibo a pannakailawlawag ti Build Build Build Program – ti medium term development strategy ni Presidente Rodrigo Duterte a nasamay a mangiturong iti Filipinas iti Golden Age of Infrastructure. Surotenna dagiti addang ken ibinglayna dagiti makapailabeg a detalye dagiti rumbeng a maaramid, dagiti reporma, ken dagiti proyekto nga impatungpal ni Department of Public Works and Highways Secretary Mark Villar. Ilawlawag pay ti Night Owl dagiti kasla di malaktaw a karit, dagiti pammabalaw, ken dagiti narikut a pangngeddeng nga imbaklay ti Build Build Build team ngem intuloy ti grupo ti immaddang ket sinangona dagiti bunga daytoy kalpasanna.

Makipagragsak kadagiti makapabara iti puso nga istoria dagiti Filipino a simmayaat ti biagda kalpasan a naileppas dagiti kalsada, dagiti rangtay, dagiti riles, dagiti proyekto a panglapped iti layus, dagiti eropuerto, ken dagiti siled-pagadalan. Maysa ti Night Owl a makaay-ayo a bisual ken impormatibo a pannakaisalaysay ti panagdaliasat ti Filipinas iti panagbalbaliw ken transpormasion iti panagturongna manipud iti tiger cub economy iti maysa a first world country.

Agpapaay iti agdama ni Anna Mae Yu Lamentillo a kas Undersecretary for Public Affairs and Foreign Relations ti Department of Information and Communications Technology (DICT).

Iti nasao a Departamento, isu pay ti spokesperson ken focal person para kadagiti direktiba ti Presidente ken dagiti kameng ti gabinete. Sakbayna, isu ti Assistant Secretary ti Departamento iti babaen ti administrasion ni Presidente Ferdinand R. Marcos Jr.

Kas Undersecretary, isu ti in charge ti strategic communications and media, international relations, ken legislative affairs ti DICT. Imatonanna dagitoy a dibision ti Departamento: Information and Strategic Communications Division (ISCD), International Cooperation Division (ICD), Legislative Liaison Division (LLD), Unified Project Management Office (UPMO), ken ti Public-Private Partnership (PPP) unit.

Idadauluanna pay ti pannakaipatungpal dagiti panggep ti Departamento a mainaig iti Build Better More, iti pannakitakunaynay dagiti dadduma nga ahensia ti gobierno, tapno masuportaran ti sirmata ti Presidente a maparnuay ti truly digital a Filipinas. Malaksid iti dayta, agpapaay pay a data privacy officer ti DICT, kitkitaenna a masungbatan dagiti kiddaw mainaig iti Freedom of Information, ken imatmatonanna ti Consumer Complaint Center.

Bayat ti Duterte Administration, ni Lamentillo ti chairperson ti Build, Build, Build Committee ti Department of Public Works and Highways (DPWH) ken isu pay ti chairperson ti Infrastructure Cluster Communications Committee. Nagpaay pay iti United Nations Development Program ken iti Food and Agriculture Organization iti United Nations iti Haiyan Emergency Response and Rehabilitation Program daytoy.

Nagturpos a cum laude iti University of the Philippines Los Banos idi 2012 iti kurso a Development Communications, a nakagun-odanna iti kangatuan nga General Weighted Average for Development Journalism Majors a nakaipaayan kenkuana ti Faculty Medal for Academic Excellence. Nalpasna ti Executive Education in Economic Development iti Harvard Kennedy School idi 2018 ken ti Juris Doctor program iti UP College of Law idi 2020. Idi 2021, nagbalin a reserve officer iti Philippine Army iti ranggo a 1st Lieutenant.

Iti agdama, mangal-ala iti Executive MsC in Cities iti London School of Economics. Iti tawen 2023, nagbalin nga opisial ti Philippine Coast Guard Auxiliary (PCGA) iti ranggona nga Auxiliary Commodore (one-star rank).

Naipaay kenkuana ti pammadayaw a Natatanging Iskolar Para sa Bayan ken Oblation Statute for the Virtues of Industry and Magnanimity. Idi 2019, impaay kenkuana ti Harvard Kennedy School Alumni Association ti Veritas Medal. Innaganan ti BluPrint a kas maysa kadagiti 50 ASEAN movers and shakers, ti Lifestyle Asia a kas maysa kadagiti 18 Game Changers, ken ti People Asia a kas maysa kadagiti 2019’sWomen of Style and Substance. Agsursurat iti kolum iti Op-Ed section ti Manila Bulletin ken iti Esquire Magazine.

Sinuratna ti libro a “Night Owl: A Nationbuider’s Manual” nga impablaak ti Manila Bulletin. Naipatarus daytoy a libro iti uppat a lengguahe: Tagalog, Bisaya, Hiligaynon, ken Ilokano.