Night Owl: A Nationbuilder’s Manual (Kapampangan)

Yampang ning librung ‘Night Owl’ ing malawak at madetalying istorya ning Build Build Build Program- a tuturing a medium term development strategy ng dating Presidenti Rodrigo Duterte a pagmaragul a ‘Golden Age of Infrastructure’ ning Pilipinas.

Mipakit keti ing mismung aktwal a kwentu a da reng detalyi ning obra, reng pamagbayu at reng proyektung penigobran ng dating Department of Public Works and Highways Secretary Mark Villar. Amasala king librung ‘Night Owl’ reng mangabayat a sumbagal, reng negatibung batikus, at reng masakit a desisyun a inarap ning grupu ning Build, Build, Build at nung makananu la ngan akabyusan
reti.

Abasa king libru reng makapanagkil-pusung istorya da reng pilipinu a mibayu ing bie pauli da reng mekumpletung imprastraktura ning dalan, tete, flood control projects, airports, seaports ampong iskwela.

Mipakit king Night Owl reng tutung kwentu ning delanan a prosesu ning Pilipinas para king maragul a pamagbayu- ibat king ‘tiger cub economy’ bang maging ‘first world country’.

Salukuyan yang magsilbi y Anna Mae Yu Lamentillo bilang Undersecretary for Public Affairs and Foreign Relations king Department of Information and Communications Technology (DICT). Iya mu naman tatalakad a spokesperson ning departamentu at ing focal person for Presidential and Cabinet directives.

Bayu kareni, megserbisyu ne iti bilang Assistant Secretary ning amanwang departamentu lalam ning administrasyun ng Presidenti Ferdinand R. Marcos Jr.

Bilang Undersecretary, y Lamentillo ing manibala king strategic
communications and media, international relations, and legislative affairs ning DICT. Iya ing makatutuk king Information and Strategic Communications Division (ISCD), International Cooperation Division (ICD), Legislative Liaison Division (LLD), Unified Project Management Office (UPMO), at king Public-Private Partnership (PPP) unit ning DICT.

Manimuna ya naman y Lamentillo kareng kimut ning amanuang departamentu a makaugne king Build Better More kayadwangan reng aliwa pang ahensya ning gubyernu bang antabayanan ing pamalak ng Presidenti Marcos na masensu yang lakwas ing Pilipinas king pisasabyan ning aspetung digital.

Kayagnan na niti, megobra ya naman y Lamentillo bilang data privacy officer ning DICT, a manimuna king resolusyun ning Freedom of Information requests at makatutuk king Consumer Complaint Center.

Inyang administrasyun ng Duterte, y Lamentillo ing tinalakad a chairperson ning Build, Build, Build Committee ning Department of Public Works and Highways (DPWH) at iya mu naman ing pamuntuk ning Infrastructure Cluster Communications Committee. Megobra ya naman iti para king United Nations Development Program at king Food and Agriculture Organization ning United Nations para king karelang Haiyan Emergency Response and Rehabilitation Program.

Meyari yang cum laude y Lamentillo king University of the Philippines Los Banos inyang 2012 king kursung Development Communications nung nukarin ikwa ne ing pekamatas a General Weighted Average king Development Journalism Majors at tinanggap Faculty Medal for Academic Excellence.

Akumpletu ne ing kayang Executive Education in Economic Development king Harvard Kennedy School inyang 2018 at matagumpeng ayari ing Juris Doctor program king UP College of Law inyang 2020. King salukuyan, susundu ne ing kayang pamagaral para king Executive MsC in Cities king London School of Economics.

Inyang 2023, megin yang upisyal ning Philippine Coast Guard Auxiliary (PCGA) a miki ranggu ning Auxiliary Commodore (one-star rank).

Tinanggap yang galal y Lamentillo bilang Natatanging Iskolar Para sa Bayan at Oblation Statute for the Virtues of Industry and Magnanimity. Inyang 2019, misabitanan yang Veritas Medal y Lamentillo ibat king Harvard Kennedy School Alumni Association.

Metung ya y Lamentillo kareng dininan rekognasyun ning BluPrint bilang metung kareng limampulung (50) ASEAN ‘movers and shakers’. Kayabe ya naman iti kareng ‘18 Game Changers’ a dininan nang pamagkilala ning Lifestyle Asia, kabang metung ya kareng 2019 Women of Style and Substance ning People Asia.

Balawus neng susundu ning talasulat ing kayang column king Op- Ed Section ing Manila Bulletin at king Esquire Magazine.

Sinulat ne niti ing librung mikititulung "Night Owl: A Nationbuilder" a
limbag ning Manila Bulletin. Makalikas ya kareng miyayaliwang lenggwahi ing amanwang libru- king Tagalog, Bisaya, Hiligaynon, at king Ilokano.